سیندیریب جام شرابی میله بیگانه یم ایندی
منه مجنون دئمگ اولماز، دلی دیوانه یم ایندی
باشقا بیر عالمیده عشق و محبت گزیره م من
می نابی باشا چئکمیش مست مستانه یم ایندی
شهرتیم عرشه چاتیبدی ره عشقی طی ائده ر کن
دیللرین از بری اولموش داها افسانه یم ایندی
دئمه یین جهلین ایچینده دلی بیر کیمسه ایمیش او
همی علامه ی دهرم ، همی فرزانه یم ایندی
عرفا سجده قیلیللر منه ساری عشقه خاطیر
عیسه یه اصل کلیسا ، بتا بتخانه یم ایندی
هوری یه جنت اعلا ، ملکه عرش مصلی
تشنه یه چشمه ی زم زم ، میه میخانه یم ایندی
منیله عشقیله سررین تاپماقا جهد ائتمه ساقی
شمعلری آتشه سالمیش تکجه پروانه یم ایندی
گر زلیخای زمان سئوسه سنی ، غم یئمه رم هئچ
او ازلدن منی سئودی بئله جانانه یم ایندی
هر قالان عهدیمه محکم اولمادی ذره پشیمان
دوزدو کی یورقونام آمما هله مردانه یم ایندی
نظرات شما عزیزان:
تبادل
لینک هوشمند
